حسين ال حبتري

الماي من يعبر السده يطيح كذله
ويلتم بوجه النهر شمرة ظفيره.
عوفني
الفشله عبايتها الصبر..
وضوك ليل التشتهي
التشتهي عيونك تشوفه ومايمر. ..سنين وانه السهر حصتي
وشرد اكولن
والكحل فصليه ينزف للرموش الماتريده…
وﻻتضيع وكتك وتشعل بخور
اليدعي للميت يفيده. ..
مره الم روحي على كد مرايتي
والكاني اريدك. ..
ومره يصحه
مكاسر الكوس الغوتني ..ابيش افيدك
وبيش افيدك
وانه حفنه تراب منسيه بكفه الشباج
وابجيلي على ريح
وانه فحطة طير مذموم بسماي
ونيتي بانيها على اطيح
يشكك هدومه الورد من يطك عوده…
وتوصل لسابع حلم كل نثيه اخوه
العافيه مصرفنه زنوده ..
عوفني    
الحيطان عثره بسجة اليمشون صوت…
عوفني
الماي التلوحه جفوف اديك
تلبس لمكفاه بتوت..
ولوم روحك
بيه ميت باب مفتوح على كلبك ماخذتتي
من يدك هاون بعد بالديره خير.. ولوم روحك…