رامي الحلفي

وانه اسأل يبعد الضيم
حكي وما عرفت امري
ليش اجنيك خنجر ينبت ابصدري
واطيك العكل والراي
وامشي وياك ما ادري
واكلك يلعفتني هناك
صدفه وكتلي الله وياك
كون امحضر الفركاك ؟؟
جا لميتلك صبري
جا كليتلي امن ابعيد
لتحضر حضن ماريد
وانه الفركه تاليتي …
والمن حاطلك نيشان
وانه امتيهك ابنيتي !!
يلخفيت
بطل عشرة الغربيل
خاف اطيح لمن تسمع ابصيتي
جاا عذرك …
واحطك وين ما تحله
وتخبص عيني دمعه وعينك الكحله
واكل للناس سهله وهي مو سهله
غيري شماله مشط شعرك بلحضات
وانه (جف) او (هوه) وما حركت كذله !!!!!