محمد يحيى الكعبي

رضيتك ليل …
وازلوفك توازيني
وارگص رگصة الدخان من يصعد غصب للموت
واوصل بيك لآخر طيف
يشرب نارك وتبرد على عيوني
وتوازيني …
وأرد فشلان يم روحي
ذاك الما لگة بعذره ولانية على دگة باب
ياذنبي شجاك تغيّر ،، محدسابگ النية
لاعثرة سلف لاعين
لاقرآن ……. يغسل روجك وتعبر على الشباج ترجية ..
هذاك آنه شكبر ملگاي صيت اصحاب
نسيت وياك كل آية ،، وطحت من عين الولاية جرح چذاب
تيهني صفار البيك ،، شما أَعدل خظاري يطيح
شما افرش خظار يموت يم اول هلة ومااگول
أنا اخاف على وجهي يضيع
ضيعة دم جرف بالمآي
ولتگلي شكثر خايف واحسّب حساب
المايعرف يلاگي الريح ضيفة تراب .