كاظم الناصري

وكل عام وانا بجرح  وشلون اعيد
الجرح
ساعة امشي  ساعه انمطل …
ساعه انهطر
وانطرح 
حتى ابمشيتي اختلف
من امشي چني زرع
والصفنة
منجل فلح
حتى ابگعدتي انلچم كلساع ذبحة
انذبح
ومن ابچي اقرأه الحمد عن لااگعد
جرح
ماچنها دمعة التصب چن خدي صاير
( أحُد )
ودموعي بيهن
گبح 
او چن وحشي فوگ الجفن
من ابچي ينزل
رمح…..
وچفوف ادية گضن گشبر جلدها
المسح….
وشلون اسولف حچي انعه بنعاوي الغجر
ولطم لطم يالطم
مثل العجايز
ردح 
وتموع روحي   وفز 
تارس شليلي البچي
بهدومي سابح
سَبح
وحطيت چرچف خشن
ابحلگي
خاف
انفضح