كامل سواري
ايدي ترجف من اريد اكتب قصيده اعله الحسين
وانه ادري لا قصيده ولا شعر كل القرون
يوفي  قطره من دمه الشريف اعله الجبين
نقرأ ..التاريخ من بدر وحنين
ومن بقاع الدنيه من ذيج السنين
و كلي هذا الطف مثل طف الحسين
ايدي ترجف من اريد اكتب قصيده
اشوف الدنيه لوحه…وملحمه..واصور عديده…
وشفت جيش الباري نازل..ما عرف عده وعديده
و صورة العباس و الحر الرياحي و زينب ابحيره وحيده..
اتخاطب التاريخ اكتب…يا ضمير العالم المجروح..دون..
ثورة الحق من هنا الثوره المجيده
اشلون اريد اكتب قصيده
و انهظم ماكول عن اجفوف طاحن
و لا اكول….امخدرات…..الويل صاحن….
و الله اموت ولا اكول حسين ذبحوا..من وريده..
باقي حي طول الزمان
دنيه واخره جاه و امان
رمز ثائر اممي والثوره من دمه فريده