زامل الخفاجي

يرب عشگي…
عبدتك خوف من فركاك…
اركع لو اشوفن قبلة اعيونك… ولاذبلت صلاتي وياك…
اصيرلك نبي ابعشكي…
صليبك حيل يهواني يشمني ويشتهي اضلوعي…
يقرآن النفس رتلت نعناعك…
ينجمه امبلله بيا ماي ترضيني واحط ياليل يم خصرك…
اغازل عنب روحك شفه ربهه الكاس …
سكرانه الگلايد نامت ابصدرك..
تره اشفاف النهر جرفين ….
سو لفلي حجاك الماي ..
انته الماي لونك وين عد ياحوبه ودعته …
شرب شوفي هواك… وجهك الذبلان..
دلال الليل سهرانه… ولاينفض..
ارد للشيب وتهجاه اشوفنه عذاب ابيض..
متن مايحمل ابكاعه لعب عصفور…
بخت ينزف عشگنه ومشتهي الناعور…
ترى افراش الگمر بالماي.…
نخل هاماته محترگه بس ينزف رطب وفياي…
يلمدللهم بشوفك..انه امدلل ابطاريك..
يخير المايعرف اهله…
يجرف الماضحك للماي كلما ينثلم يسكر …
كون الراح… صاحي… اترده چلمة وين…
بس چندوب انه احجايه ماترضي سمع صاحين ..
بيه المستحه ابنادم .. خلقته بماي وجهي وطينة الفقره..
ونزلت النفس قرآن للمخنوگ خل يقره…
ويشوف العصر من باگ گذلتهه…
اخر حيل بعيوني نزفته… وذبني بترابك…
شميت المطر من كل شبابيجك…
ضواك اليوجع اعيوني..
بيك اعيون غركانه وانه بحاجه نفس منهه ..
گلتلي الجنه تلگاهه من تشتم عطر ..ثوبي..
شميتك..لگيت النار حيل اتلوگ لذنوبي…..
عتگ لون السمه ماتمطر اترابك….
عتگ لون الهلا ومامنفتح بابك …
لگيت الوطن بعيونك …
اعله وجهك رايد اتوکل ..يباب الله …
خفيفه ادروبهم هلهلت لجدامك…
عرف اهله الدلال وبات بالقمصان …
يحرگرني البرد ونزف ضباب وماي …