يوسف حسن
أحس مملكتي انت وقفلك الاه
والمفتاح ضايع وانا منكوب
وكفت اباب قصرك كلش وياه
صار خيالي جوه وفتح البوب
و مو حبآ خيالي يفكلي الابواب
طلع ظلي يحب ظلك يمحبوب
واااذن من حقي اظل وحقي وياه
اذا نعشك كمر مابين الادروب
يمشي اذيال ثوبه اتحز بالجدام
من كد الترافه يجرحه الثوب
جاي تكلي بس وانسه ماصار
ضفت هم الهموم التارسه اليوم
عليه هموم كلفه تهد الجبال
وعليه جبال كلفه اتهد الاهموم
شربت اليل كله وخضرت اه
واليشرب الليل يغص بالنجوم
وتكلي شبيك تبجي وجايني تلوم
بدون اجروح تبجي عيون الغيوم
ماريدكك حقد واتضيع الاشواق
مثل الظل يضيع لون الغيوم
احرم روحي مني وابقى وياه
أشعلت روحي وضويت ابدربه قنديل
واخذ حصته الخلال وحصتي الفياي
خذت الفياي ابيعه وجلجل الليل
صعود الجبل منك ياخذ ايام
بس لمن تطيح ابسرعة السيل
الفرح وياي شال الحافه بسكوت
فر مني وتركني ويالمواويل
مالوم العواذل انت تلام
ابرها اليلام محد عاتب الفيل
أحس طيفك يجيني بهيئة اغراب
وخلي اجناحه قوس وضفره نشاب
وسهم ضفرك يجيني ابين الاضلوع
اجر ضفرك واشمه يفوح عطاب
أحس باليل موت وروح ياليل
اخاف اعطش واشربك وادري تيزاب
افرحت من طاح بيدي الكمر باليل
بس صار الصبح شو بين اتراب
اذبحها بسيف اهون حتى ترتاح
ولاتربط الناكه كبال كصاب
اكسرت منجل غرامي الجاي حاصود
لان زرع ذبل جابعد شحصد
يصفيها الرمش دمعتنه متعوب
ورغم ذالك ملح تنزل على الخد
تبينلي وكشفتك لابس الثوب
موقصدك ستر لاخاف تبرد
لان أبيض كلبت الدنيا مكلوب
ونسيت الكعبه قبله ولونها اسود
