رائد الفريجي

عفتني .وعفتك . وماعافني الشوك
بدرب هجرك لكيت امتاعي طاريك
غبت وعيوني تمشي بصورتك شوف
رغم ما ناوي بيهن طيف اخليك
اضم عنك لهفني ابسد الرموش
واجي بيد الملامح بيهه ادليك
يالتارسني حيره وماخذ الراي
عليك ابجي وانا المفروض ناسيك؟
الملامه بروحي تاكل وانت السنين؟؟
ماخليت بيهن لحظه امر بيك
اشوفك والتفت وبلهفتي الكاك
حاضن كل نظرتي بجف معانيك
زحمه اشتاكلك … وابجي اعله فركاك
وابادر بالزعل واتمنه اراضيك
بذمتك جم درب تاه اعله ممشاي
ما اظن جدمي من فركاك يبريك
امد ايدي بصلاتي ونيتي اتحير؟
ادعيلك ردت لو رايد اشكيك
ترست اجفوفي صفنه وخاطري احروف
وجم كلمه تعال الكاهه اجافيك
لكيتك خطوه عميه و واهسك ليل
وعلى خلكي اتعثر واني امشيك
واعاند مستاحي وعزتي اوياك
واجي بحجه تواضع حتى اللاكيك
هواي بريتي شايل منك انفاس
وماترهم حياتي ابيوم اسميك
عساهه ابكبرياءك شللت الحال
شلي ابدربك اذا مابيهه رجليك
كلمه ابينه وحرفينهه اشهود؟
اكثر من برودك جنت اداريك
يالجبتك ضوه .. طفيت العيون !!!!