قاسم عبد الحسن

هي مو شغلة سوالف لو حچي وگال وگلت
هي شغلة زلم گالوا كلنا فدوه للوطن …
زلم راحت حتى تدفع يد الجور أن سطت
زلم عطاله ولكن تشتغل وكت المحن …
زلم بس تخاف الله والله تتمنى الشهادة
زلم ساحات القتال عدهة ساعات العبادة …
زلم تعرف باﻷصل معنى الجهاد
مو نكاح الهدف ﻻ يحمي البﻻد
و مو نكاح يريد يتمنى الشهادة …
وگلي يا دين انت عندك گالك جاهد نكاح ؟؟؟
و ﻻ تگول القائد ( احمد ) تبره من هاي القيادة
وادري يا دين انت عندك گالك اذبح بشر ؟؟؟
والله حرم بالظلم تكتل جرادة…
أنتو مو اسلام أصلا أنتو ألعاب اليهود
والدليل الراية سودة من سوادة …
حتى نفس افعالكم لون العلم
دين ع التخريب مبنية عمادة …
تبره منكم الله و تبره الرسول
ﻷن مكتوبة الاسامي ع السوادة …
أنتو متجندين عندي أكبر دليل
المسلم يقاتل بغيره وكل شرف
ما خلت اسرائيل طلقات بعتادة …
وﻻ تگولون احنه سنه ومدري ايش
السنة گالت داعش ارهابي انفراده…
و ﻻ تفگرون نتفرق احنه هيج
سني وي شيعي اختلط طبعة اعتقاده …
احنه أخوة السني وي شيعي اكيد
ونوگف بوجه الشدايد حتى لو صارت شدادة
وارد أحذركم شعبي حيل ضاج
والجيش حظر خطط وسوة انعقاده …
وارد أگللکم نهايتكم اكيد
مثل أي جريذي اخرته الابادة …
وعلى فكرة أگلکم شي أخير
انكم لم تتبعوا دين محمد ابد
أنتو متبعين دين اسمه حمادة ……