هيثم سعدون
من اسولف عن قضية تخص خراب
مو صعب وياهه اكول انطوني حل
ومن اسولف عن مسائل بيهه نار
شمستفاد وغيري لو بيهه اشتعل
خلي احسب من جديد وما احير
البلد محتاج فزعات وامل
ما اريدك بالجذب تبنيلي بيت
ولا توفرلي بحرب فرصة عمل
بس تعال وشوف نفسك من تبوك
بوك بالانصاف مو صارت حلل
يعني مليارات اكساء الرصيف
منهه خلي نشوف سبيس انحدل
ما اريد احجي واكثر بالكلام
مو مهم هذا الصعد هذا النزل
المهم يلتم شملنا بلا خلاف
الطاغي يلحكنا قبل لو ما قبل
احنا شعب الغيره نعبر عالصعاب
ويه والينا اذا الوالي عدل
جرب اعدل شوف كدامك نطيح
امشي اعوج ننتفض ضد الخلل
لا عبالك ننتفض نرفع سلاح
نعرف تثير الضغائن بالعجل
ننتفض باقلامنا نحير شنكول
وانته تاليتك (تنحى وانتقل)*
*تنحى عن الحكم وانتقل الى رحمة الله
