الشاعر حسين العجيلي
يل رايحين لـديـرته
هـذا الحجـي توصلولـه ..
جسبـت عينـه من الشمـس
كـدما نطـر كلـولـه ..
مـن اعصـر مخدتي اتـرس نهر
عايـش عله الله وع الصـور
موش الفراش افرش شتى
اطكطك من افرش دوشكي حايط بحايط غرفتي ..
ملعب وليدات السلف يا شاطر يطلع فرق
اوكـف واوكـف دمعتـي ..
ملن عجايز ديرتي من كثر ما يقرلـي ..
والساده شكـو بالبخـت
بس امـي تعـرف علتـي بجفيتك تنشرلي ..
وهاكـم طريقـه اتأكدوا
طشوا قمصاني بغـرفتـي ..
يلبط قميصـي ويشتعـل تشبك الكاع اردانـه ..
حفـروا المجان البي لبط
دافـن وصيتـي هنانـه ..
ع الجهـه اليسـرى بنومتي
شبرين عن مخدتي
بس حطـوا فوكا صورتي
بالصـوره اكوم اخذ نفـس .هذا مجان وصيتـي
وهاكم واسمعـوا وصيتـي
مو عله القبلـه عله الـدرب لو قربت جبلـوني ..
وزورونـي بيتـه وغـرفتـه
اشتمهـن وزتـونـي ..
وفـديوه نكعـوها الصـور
وبمايهـن غسلـونـي
