فائق الكاطع
خط لوحة صبر لو دارت انت وياك
يگلبي وبس عتب مليانة ايامك
انه بعيني الصبح ويلوح بالامال
تشع باچر ضواها ادروس گدامك
درس اول حفظته واحفظ انت الناس
وعلى هذا النهج قاتلت باقلامك
واكتبت القصايد من غفه الوجدان
بحبر دمه غيور وخفف الامك
ودرس ثاني حفظني وعينه ظل ناطور
عوض كل صديق البل رخص سامك
اصبر تنفرج مايبقى نفس الحال
ترد ترجع جديدة امورده احلامك
ودرس ثالث يحفظه العاشر الطيبات
مثل صندل هديت العطر لاسهامك
مشكلتي البعض انه بغلط مختار
بس دارت غفوا عافوك باوهامك
