يحيى عبد الحسين عبد الرزاق جوحي
اكعد ولك راح الوكت
يومية اسمعها الصبح
مرعوب أفز تعلمت
واحلامي سكتة تنذبح
لا جمعة عندي ولا سبت
أيامي كلهه تشابهت
تايه بهل الدنية دخت
لا خمست لا ربعت
اكعد ولك راح الوكت
ولو يوم فكرت بمسألة
وبيهه افرح العائلة
أفكاري تصبح مهزلة
واولادي مني تعقدت
سيارة لالا ماتصح
ولابيت من بيوت البشر
ولاراتب وأكولن حصتي
من القهر ومن الجرح
بطرك الحصيرة دنيتي
والطاسة والحب والطشت
صرة وتلمهن شيبتي
ان شركت وان غربت
أكعد ولك راح الوكت
