نبيل الركابي

لو غالي عليك أرجع
أطويهه المسافة وكافي نتوجع
لم غربتك
لم وحشتك
وطيوفك على الشباچ
نص الليل ماتهجع
أحس أنفاسك بصدري
وأسمع ضحكتك
مثل النهر تجري
وعيونك شفتهه طيور
جم ليل أنگضه
وجم عمر المضه
وعيونك عليه أدور
و شابت الدنية حبيبي ..
وصارت الذكرى بعيدة
بعيدة ………
منهو يذكر ياحبيبي
منهو يذكر ..
عشگ ذيچ السنين
ولهفة المشتاگ لحبيبه
و لوعته و رعشات أيده
و أنته تذكر يا حبيبي …؟
من أجه الليل أهمستلي
و بصوتك الدافي أحلفتلي :
وداعة عيونك حبيبي ..
مايجي يوم و أعوفك
شلون أعيش و ما أشوفك
شلون أعيش و ما أشوفك
صارلي أسنين أسمع
صداها وما أشوفك
وأنته گتلي وأحلفتلي ما أعوفك