عباس محمد غازي المطشر
بعدني بعازتك ليش ارحلت يا بوي
أحس روحي طفل وبعازة الشبگة
صدگ عني رحت وتفارگيت وياي
يريت الموت لفني ولا عشت فرگة
صدگ غطوك بوية بحفرة وتراب
وحسرة أعليك صار الهوه تشهكه
رحت عني وعفتني بعازة أصحاب
وصاحب زين مثلك ما بعد الگة
يا عشرة عمر .. يا شمعة الدار
يا نبض الگلب.. يا حُبه يا عشگه
روح وداعة الله والنبي يرعاك
وداحي الباب كون أهناك تلگه
وداعاً يا عزيزي وسلوة الروح
وداعاً يا وداع انگالت بحرگة
