زين كريم
دليني اعله لعبج بيه واهس طيش
فاتحلچ شليل الحيل معلينه وآذا يدرون؟؟
گطريلي اعله هونچ ليش الموازاه؟؟
وجيسي أرويحتي وكل آه بيه آتهون
تعااااالي…
تعالي يل گضيتي الشوف… هوه القاسمه الله أنتي
اصابيعچ يروجن ليش؟ وأنا التين سالفتي..!!
شعرچ ظلمه عثرت بي وظل يمه الكحل فاااهي.
بس شذرچ لصف بالليل والگمره الضوت ماهي!!!
يل عندچ عرف بالبير..
أشتل بيچ سالوفه
يذاااك الماي الازرگ كون اعگد روحي بجروفه
بالشبگه الهوه مصلوب يوگف بينچ وبيني..
فوتي ابياكتر تردين خل أندل روازيني
يفلانه… يفلانه الدفو بكانون كلهة أتگول يحليله
تره آبدمي البرد ينشاف گام أيدور العيله
أقنع لو أحرورة طيف
جوه أعظامي أزمة صيف
أطيحن سكته من طرواچ
طيحة هاااي الگذيله
في ودي أنطِرِك عمرين يامعشوگتي وثاري
وبديرة غطانه أنبات
گربي أدلالچ لناري
علامچ تخزريني وتنهشين الحيل؟؟..!!
مهو أمسابگ نده أعله اشفاچ
والشامه سواد البير
أطشلچ فوگهة أسراري
چااا هيه النداره البيچ ينرادلهة شدة.. ليل
حته استاهدچ نجمه
يتنادسن لمرايات
يم زلفچ تنين الهيل
حته أيكشخن أبشمه..
