علاء الصبيحاوي
ياخذني السهر والليل
اسافر والكمر زاتوت وانه ادري السمه بلا ريل
يلمحتاج جيتك حيل
دورني واخذني وياك نسيني التعب والهم
الك بيه سوالف هيل
ماتنسمع بس تنشم
يلوني الضاع كمت من الشمس مرات اداين صبغ للدم
ويلمعودني
بيك اهتم
زخ روحك علي بهداي انه اشتاكيت طين التم
احس بيه عكد روحه التعب نيشان
شحجيلك علي شتريد سولفني الحرك دخان
وبعد موذاك انه الجان بعيون الورد بستان
ماتدري واعذرك كون تستغرب شكو بروحي
انه مغيرني حمل الشوك
وبروحي انطفه المعلوك
والمرايات مني تبوك
اخذني وياك (يكذله ياس) يلمارهملك طوك
انه متانيك
تفتح باب
فكلي الباب اريد اندل شكو بنيتك
واطرد كل نفس مشهوك وانه الاكعد بريتك
يهل عن عيني طيفك غاب
هذا انه ال على الشباج ومتانيك تفتح باب
