مهند صاحب

ياخليلي
مغرب ليانجمه ومفارگني غيمه
ظنوني وعتابي بلهاتي صحره وعيوني مطر
ليش كاسرني سوالف حافره بگلبي نهر
بودي اشگ ثوب الصبر كله واگلك
مالي قدرة اتفاشل ويه امالي بيك
وداعتك تايه حلم احظرني طيف
وفرهد شماعندي واقع مالگاك
منينلك هاگد وكاحه يالگلت عنك وطن
منينلك هاگد يگطعي
تعوفني وماتهم بيه
منينلي هاكثر وابچي
دموع خام بحيلهه
لأول خساره تمر عليه
انه حسبتك سبيلي
تروف حالي المالگه بكلشي امان
انه حسبتك خليلي
وعين تنطرني من اسافر باي مكان
سهرتني وانه ويه الليل مو صاحب طويله
نجومه تستغربني هذا شلون عاشگ
شكله باول طيف طاح
ومالگه الغبشه حظن
حايله دموعه وبعد بيهن حزن
ياوحيدي
البيت نافرني من اردله بدونك انته
يصهل الباب وعتبته تگلي جيب
انته كل عقلك تضيعلك حبيب
انته كل ظنك بعد عندك گلب
يرجف طفل لو گذله رفت
ياصدى يجيبك و اصرخ مشتهيك
ويا قدر بي حظ صدگ ويمرني بيك
شحت ومامش صدف چنهه القيامه
اه يهاجرني العتب فرغته توني
ارد اشوفنك واگلك
لحمد لله عالسلامه