عمار موسى

يملك الموت مر بيه
والله الوحدة خنگتني
صرت مثل الغفة بگبره
انحنيت وآنه بالعشرين
والله الشيب مر بيه
الما يدرون كلها تصيح
هذا شبي صبغ شعره
الغصن من يكبر يدنگ
كل ساعة الهوه يسطره
يملك الموت
تره العايفني
صعبة انساه
شكثر بعيوني ضميته
وضم بصدري چم حسره
اليضم الطين بعيونه
تظل ابالة چم شجره
وانذليت
الما يلگه حبيبه
بصفه من اينام
چا المن يريد عيون
واليفارگ ضلع
وي گلبة چان يبات
اطعنة ولا تگله تهون
سهام بعيني تدخل
من اشوف اثنين…..
ايد بأيد يتمشون
واعرف الناس من يحجون
مو يمي تره الموضوع
واعرف مو انه المقصود
بس حسيت يتشمتون
وآنه بطيبتي امن اصفن
اگول الناس …..
مدري شلون جاي تخون
يملك الموت ……
سنين الوحدي من ظليت
ربعي الترست الدنيه
بس جيب اليطيح وياي
الريح التغفه جوه الغيم
چم مره تدوس الماي
اضم دموعي بعيوني
واجيب الضحكة بشفافي
ارگص من گلب والسان
امن اشوف الناس فرحانين
وبروحي ونين الناي
يملك الموت …
حبيت شگثر….
بس ما عرفت ارتاح
اعرفها النهاية گبل ما تبدي
ياهو العاشر بگدي
ياهو الفارگ بگدي
يملك الموت اخذني وياك
من انروح اريد هناك
كون انده گبر ويفز
هم فشلة امن اظل وحدي