محمد يحيى الكعبي

وآنه متوسد صفنتي
رحت افك بحسرتي دفتر عشكنه وما قبل
ساد بآبه ومنتظر فتحة هواك
وينـــــــــك انته
ركبت ظنوني محبتي وما اجيت
ويوم يوم اليل يتفصل عليه وبدة براسي
وبيـــــــــــــــــن بوجهي سواد واثر نجمات وكمر
ومن يجيني الصبح ما ميز نظرته  ولا اميز طوله من صدره وكفاه
تشوف صبح الله الوسيع ,,هذا صبح الله الوسيع يصير كله كبالي شمعه
جنت اسمع واحجي كلمات بوجودك
صبحيت وصبح الملك الألهي ..ويوم امس شتحلميت ..ويمه اكعد ..بعد مارهمن عليه
صرت ليل وذني يحتاجن وكتهن
روحي تعبت وآنه شاعر  روحي تعبت وآنه اكابر
ومن كثر ما كلبي يضعف كمت اشم ريحة مكابر
وكام يكصر درب عمري  والدليل
الدليل براسي خضر شيب شاب  ما يبين تايه بنص ديره ظلمه وضاع بيهه
لو تجيني تشوف حالي
هذا دمعي الماله راس ولاجدام  البيه اكبر دمهة كطره
كام يتشرط عليه ؟؟
كون من ينزل بكيفه
وكون يآخذ طعم خدي ! حت لوضاف الارض لابس حلاه ولوتجين تشوف حالي
دربي دآير وجهه مني  وما بعد يفتحلي صدره
كمت اعثر بي ويزعل  لان ما يملك ذنب
وحكي اعثر  شوف عيني تخله عن كرسي الرئاسه الصفنه سوت انقلاب وخذت كلشي
خذت كلشي,,,الله ياهيبة صفنتي
يعرف بقيمتهه بس ذآك النهر
جان كاعه تصير عدله لو وكفت آنه وصفنتي اباب جرفه
خيالي يتمدد عليه ..وما يحرك روجه وحده
لان ..جان خيالي يصفن والنهر يصفن عليه ياحبيبي
العاشك تخوف صفنته ..هواي تاكل ذكريات وآنه خايف ذكرياتك كلهن يخلصن واعوفك
وانت ياالما أريد اعوفك
بس تعال انطيني حجه وروح خلني وياهه اعيش روحي تطلع وارد ارجعهة وتهزني ,,تريد حل
هذا كله بسبب ما ادري بعشرتك
ساس وركه يطيح ما يحمل عمر..
جبت عمرك كله يمي ومن كثر ما انت يمي
كلمة المشتاك مامرت علينه
وهسه بعدك داخل بروحي الجنون
انده بصمت الصور لومرني ذكرك
آني رايد طلب منك ؟؟
من تجيني تكلي جاي
بلكي من فرحة رجعتك تنعمي الصفنات وظنون المحبه ولو مفكر ماتجيني لاتكلي …..اني طيب …..شرد اكلك
ردلي ضحكاتي العله شفافك عفتهه
ما احب فديوم اكلك
ردلي ضحكاتي العله شفافك عفتهه