يوسف الحلفي

منتظرك مسافه و شوك واكفلك على البيبان
واكفلك حضن بي نوح يستقبل شراعه انسان
هلبت بيك لوجيه
هلبت لو ترد بس طيف واتمناك ليليه
تصاويرك خذني عيون واتمشيت بيهن شوف
ومن أذن دمع طاريك
صليت اعله خلگ الماي واتبده اعله صوتي حروف
يمته تردلي مومليت
يل عگبك ظلام وخوف تارس كل زوايا البيت
يل وجهك ترس لعيون خليت لصفنتي امتاع
مامعذور بيتك ظال ومأجر كبر بالكاع
مر بيه بسوالف ليل مشتهيه الصبح تنعاك
وين الگاك؟؟
مامش نوم يتبع كل مسه بطاريك
يل رحت بدرب عزريل شفته اهناك
ادورك بالصور واشتم حنينك جاي عكس اگفاگ
واعدني وتعال بطيف البس جفني ودخل ليل
مامجبور تبقى اهناك
مامجبور تلعب موت
مامجبور تعشكلك حضن تابوت
صحتلك ناي ياكسرة ضلع بالكوخ
دورلك زعل موموت؟؟
أظن لسوالفك حسيت (ياروحي) اشتهاك الله
حنين وجنت اشمن بيك ريحة كل صريفة طين!!
ريحة كل عيال الله
من تمطر الدنيا بعوز ؟؟لو طاح السكف عالكاع؟؟
صاحو كوم واسم الله!!
يفز الليل يم طولك يوجه الخير
ويشرب كل صبح كافور يتوسن حياته ابير
ليليه بجفاك اشرب صبر مكسور
واتنده بجروفي اوشال
واموتن من تمر انته اعله باب البال
اشوف الناس كلهم طين باهت لون ليشيعون
وارد لروحي محتامك ضوه لمدفون
انه اتمنيت عرسك كون مو موتك قبل ماتفرح الزهره
اسولف بيك!!
ياكل سالفه بروحي؟
مملوح وعليك اسوالفك سمره