ساجد المحنه
هذا طبعي وماجبرت احد عليه
يعشكه وبنفس الوقت بي يطي راي
عندي شفافيت امي وي ابوي
ومن عرك شيلتهه راضع مستحاي
النفس بيه مصدع ومهبوط خوف
.بل تدفع بلحروز اشهك هواي
من اجشف جرحي تتغشه الجروح
خجل ويردن سوه يصلن وراي
جرحي تالي اليل بي بحت بلال
ودمع ماكو ويمميته بصوت ناي
انت خدك بي عطش صطرات غيض
.وانه اداوي راجدي بجف يجري داي
انت موكل مثل تؤمن بي صحيح
كلت سمسم وانه كوامه ويل لهم
السمه زركه وحبلت افطر كاعي ليش
الرعيد بسحك جدمي وللعلم
تلزم الغبره خواصرهه من افوت
.لان رافع خشم مارافع سلم
الكاع من الكدهه احس تطرح صهيل
وتدك حافرهه عصف طعمه بثلم
السنبله التبجي مناجل بل حصاد
.بشفة الجوعان تتمضحك طعم
الحجر لوضفته يعزبلك شرار
والكلفه من تروج تتفلع زلم
ضحك من عثكي الك حايش زبيل
وهوه من حر خنجرك رايج دمع
باب حوبة طيبي من يدعي بونين
.يشك زيجي صقاط ويفرع ضلع
كلبي دكاته شبه دكات باب
.وموش دكة بطر دكة مخترع
اني من ازمخ بصينية الكفار
تكوم ترجف طعم وتبرطم شبع
تشحط جدامي وتغص عثرة ضرير
.لوولاهم درب ليل وماعفه
الليل نعس بيه وثاوب سفار
وتعبي فز بربعي يتمغط جفه
جاعو والهم شلب مجروش اجيت
.وجو كرو عيني بيدر سفه
ولو يكاومهم هوه ويضعوكون
.زيجي اشكنه بوصطهم عاصفه
دورة بجيوب صحباني ولكيت
.دوه بي مكتوب مانع للوفه
