مصطفى المالكي
واعدتهه ارجع شگللهه من امـوت
ماكدرت ارجع؟ نسيـت حـجـايـتي؟
وانه اول مارحت حطت يـميـن احـلف تروح وتـرد بـداعـتي
هسـه اجه ابالي القسم وتحيريـت
خـاف مـو عـريـس ارد بجنــازتي
بس وحگ زلفج وحگ كل ذكره بي
اي وحگ وجهج الصار مرايـتــــي
راح اخلي ابالـي حضنج والـعـراق
شعره ماتنمس وانه ابن ولايــتــي
منيله الجرٲه ويطب گاعي ويــفـوت
بزغري ماواحـد لمـس لـعـابـتـــي
انا ربيت الفشگ ترباة ابـــــــــوي
جيله ماتكتل خصم مو مـــالتـــــي
خـــارطــة طولج وخـــارطة العراق
اثنينهن لابســـهن وي گـــلادتــــي
من يمر بيج التعب تلگيني نــــــوم
گمت انوم اصورج عله وسادتــــــي
ماخذ الحنيـه من گــــاع العــــراق
بعين كل مشتــاك امدد راحتـــــي
اتوكل بطولج واشد حيلي بضــواج
ومايهمني الموت اعاند ساعتـــــي
والله لو بيهم زلم جـا رد شهيــــــد
الموت لجل الوطن همي وغــايـــتي
اليوم اصلي وي الوطن فرض الحيــاة
وويـن ماجــــان افـرش مصـلايـتــي
