احمد المياحي
لتستعجل قطار الفات بايك كل حجي العشرة
ولتستعجل ترى البي شيب حسرة ادفع بصدره
اخذ باجر ترى من اليوم طكت شجرة اموادع
بين الدمعه والخدين طايح جف المدافع
اركض والصبح مهيوب لاتعثرلك بكمرة
الشمعه بنص صريفه شوك تتقارن ترى بحضرة
امشي برايك البي ماي لاتخذ حجي الهيمه
ولتأمن بشجرة راي تالي اتسير الجيمه
ولاتمشي بزوايه البير قميصك خاف يدمر
وانه اتبرع بحيلين خايف بالدرب تعثر
وسلم عالهوه من يفوت بي اخر نفس مني
ومن تعبر عراضه شاب ونس روحك وغني
هذا انه الجنتلك راي
الجنت تعطش وصيرن ماي
هذا انه الجنتلك راي سيرو بيه للمامش
