محمد الصالحي

حنيت الطواريك
تعال وفلش الچادر تعنت للسلف زفه
اظل اليمته اسولف بيك
وانت تسولف الحيطان
مامستوعبه العفه
ماشايف صبح بجفاك
صالحني علباب الله
ودور بيه خنگة شاب
معزوم بعرس اول عشگ گلبه
تعال اسمع سوالف بيتنه افرگاك
بس دوية ونين گبور
وخطيه امنه
صاير كل حچيها انذور
تعال اقنعني مو مشتاگ
وترك ثوبك بريتي
متت من ريحة الحنه
رد وياي
تره الخوان من تزعل
ثلث تيام
تنسد عنهم الجنه
دورتك سلف مبخوت
بي حتى اليموت يعود
من يلگاله صاحب زين
لازم باب فاتحته
ونطيتك هلا وماجيت
چا هو اليدور ناس
غير انباع يم صحبان
رفسو زاد خاصرته
عفتني بيا خلگ حته استلذ ب اليل
وانا استاهل الشبگه
صحيح الشيب هد الحيل
بس انا طفل ملگه
هو اليل
لو يدري اليحب سهران
چا طلع گمر بي شيب
هو اليل لو سامع شكو بصدري
اذا مايبچي كلش عيب
رد اوياي
الدنيا ستاهدت عيني
اذا ذكروك تكشخ ماي
تره الوادم درت متعوب
تجي ادور بخدي فياي
تره الماعنده صيت حزام
مايندل طعنته منين