سيف زبون

على جسر المسيب من لكيتك ليش
اصدن وجهي الك تصد علي مكفاك
زحمه من النوارس والجسر والماي
خفت امن البلم يسألني عن ملكاك
نفس صاحي بهذيج اللحظه ما جريت
انه استنشق جهنم من يمر ذكراك
تخيط ظهري وارجف وجهي صوفر خوف
وعلي اعراض النبوه اتمر علي بجفاك
وكع مي وجهي لكن من وكع ليفوك
اوكف ليش اجذب من وكع جواك
سولفلي الهجر متنسيه امك بي
جا ليش الوداع يسبل امن شفاك
اصعب شي شخص حبيته فجأة يغيب
ويدزلك خبر كولوله ما ينساك
المفارك محب احسله خل يموت
وانته الموت اهون من طعم فركاك
عندي وياك عشره وضحكه بس يا حيف
امنكلب بلصور ما عندي صوره وياك
كالو ع الدعاء من تدعي كلشي يصير
وبقيت ادعي شكثر ان تطفه نار جفاك
يخليك الله ادعي بكل صلاه ظليت
بس استغربت شو الله ما خلاك
وجبت عمري اندعي ينطيني الله فلان
ما وصلت دعوتي الغيري الله انطاك
وكلت كل هذا هين بس اخافن لا
يصل منك خبر جايب طفل من ذاك
منو يقيم براءه وجهك اتحدى
لتكلي الخذاك الماخذك شكاك
بساط الريح امس وديتك المريخ
وهوا شكد صلف لزياره ما وداك
بالموصلني خطوه بخطوه للتابوت
انه بعازة سوالف كلها حنيه
منو يناوشني ضحكه بروحي خنكة بير
البروحه ظلام اتسعفه كمريه
ولان تسوه الذنب كمت اسمع اني عزاز
بوكت جبت العمر ما سامع غنيه
وجنت ماحط جكاره بشفتي بس فركاك
على كد ما كمت دخنت بدلت ريه
حلل خبزتك مر بيه جاي العيد
تره الشاعر طفل محتاج عيديه
الطفل عيديته مبلغ من ابو ينطي
وعيديه الشاعر موعد وجيه