احمد العلي

لاتجيني وسالفة عينك چذب..
لاتجيني،من امس مر الحلم مكسور خاطر..
بلهفه خدرانه وجرح كلش عتيگ..
وجه ما أدريه الٓمن
ميّت بوجهي وعرفته…
يمكن انته..!!
وضحك ناس وبچي ناس
المّيت(اسم الله) عٓدِل!!!
ماعرفته..
بس شفت حزنه چواني..
يمكن آني!!!
لايچذبني الصدگ واخجل واموت….
وآنه عالباب شكثر تانيت روحي
وماأفوت….
الليله ماادري شجاني
وجوه خرسان بشتاي
وحيييل بردانين صوت….
حيل مابيّه واشعلك شمعه وسنيني تهب..
خلگي سكراااان (ودروبٓك)
تشتهي الميّت تٓعٓب…
گلبي جاهل،أدري
بس كبران حيييييل اعله (اللعب)….