سيف ابراهيم الحميداوي

اشتهيتج شمعة من عصبت
شوگي بليل
حد ما حنظلت بشفايفي التمرة
اشتهيتج ورگة من تطيح افرفح گاع
كل حيلة الخريف وعودج يعثره
عمر عمرين حاجب موتي ينضح شيب
وتجي تلكه انتظاري معصبة بصخرة
ذاك الشتل حبة برف امل فحطان
اني .. الماعرف يتصرف بعمره
انه العريت كل اسراري يمج روح
شال حديثة روحي وشمسج تعبره
عكس طاريّج الماجبته يم مخلوق
عزيز انساب ميشخبط شرف حرة
أن كانَ حقاً للغياب حظ بكِ
فالعذرُ منكِ ماعهدتُ غيابي
لكنَ اذا الفيتُ منكِ تــــَمردا
طالَبتُ حبكِ ان يردَ شبابي
اوَتعجزين عن الولوجِ بِمخرج
ام عجزكِ في الاصلِ كان جوابي
عذراً فأن الصبر زف محاجلي
وتشدُ اطراف الرحيل ثيابي
بمتاع الشته لو عفنت الغيمات
يستفرس الصيف يمد حلگ حرة
كون ابلا قصيدة اشهگ افراگج صوم
خاطر ما اظل اتعثر بذكرة
وتردين ..
 الحضن حشف هوى جويريد
ما ظل شبر لهفة برية العشرة
محتاجج ولا گايل گبل محتاج
جرأة كبرياء شگد صعب كسرة
تسنيلي .. العمر ماندري يوگف وين
كون ابلا احلام مغولگة انمره
وافز والگاج واقع تدفه بي السنين
بُعدج ماردت جفيني بس شره
يا أمي وصلاتي ويازرع عمرين
دليني بغصن من جذعه يتبره
ماترهم املاگة الحنة والدفان
رگص بعدج بعيني ونظرتي الحضرة
نفضيني بعد تتبللين اعتاب
حتى الموعليج بأسمج اعتبره
فجرج مو طفل خاطر اتقشمر ليل
لو بي رجه نجمج ما غفى بظهره
شبر واربع جگاير والسهر واللوم
العرف حجم الثواني يثقف بصبره
ولا مره الگلب يقتنع نبضة تراب
الساعة المن رمل مقتنعة بالفكرة
وعله فكرة الدرب
 يكره حجي الخطوات
لكن لو فرغ يصفر وجه امره
تدنيلي مطر وهواسي عطب روح
من تزعل الغيمة تبرطم بمطرة
ولو مو زخة كون تصح نثيث احلام
خاطر عالاقل ننطي العشگ گدره
اشتهيتج عافية تنگع اعظامي بحيل
انكسر ظهر الحنين ومنتجي بخصره
ولگيتج فاتحة عرسان حيل كبار
هلگد انتظرتج مو صبر جمرة
على خدود الحطب
 يذبل حجي البصمات
يذريها الرماد وماتظل شعرة
وذاكَ الغرف بس التعب بمتاناج
انه الماقريتي شوية من شعره