سمير صبيح
لا تسكت اعله الجرح منين ليش اتخاف
ولاتبقه ابيض كلب وتصير مثل الكطن
وانت بزمن نداف
مادام مثل العرك مدفون وانت عدل
ياموت منه تخاف
اتحمل ظلام الزمن اسرارك انت شمع
بس تشتعل تنشاف
صافي وعذب تنشرب اخبط اطباعك ملح
ماتنشرب تنعاف
ونتام ليلك هني وتمشي اعله طولك بعد
من تمشي ماتلتاف
وك ليش ماتنصح اتريد تعبر نهر روجه خناجر
يهد وانت بلم شفاف
وماطاح حملي بطر ميله اعله صفحه الحمل
جواه تلكه جتاف
سلتين راحن سوه سلتك مشت للعنب
وسلتي انه للصفصاف
الحسره اصبهه دمع تكتل ولاتنحمل
بس الدموع اخفاف
كاع انه جرحي نهر وشلون اكطعه النزف
كون الرمل لفاف
