مصطفى الدلفي
أرد اروح الديرة ظلمه .. حيل ظلمه
الغبشه بيها بلون گلب ابليس وسود !
بلكي..
بلكي يعثر شوفي ويطيحن صورهه..
وخاطري الملجوم يبرد..
أنتي يمناغه كحل والواهس ارمد..
كون تتشلبه صفاري اجفوف متحنيه بربيع
مشتهي بجم ورگه اضيع !.. ونزع اضلوعي الصفر..
ومن جديد اشهگ سمارج.. وابدي اموت بكل كتر
ابلايه صوت..
ابلا ثغيب..
ابلا حبيب..
مثل موت الروج المضيع نهر !
والله حاير ..
حيرة المسجون وتذكر حبيبه..
وخلص باكيت الجگاير !!
هيج من عفتيني صاير..
ورثت جفي وشربته
ونسمت ريتي روازين وضفاير..
ااخ يل مابيك حوبه ..
گلبي يل مابيك حوبه
مثل تعلاگة جهنم !!
يعتنيك المشتهي ايعلگ اذنوبه..
