سلوان المحمداوي
عشرتنه چن خطوه وجدم
ينتهن كلما يبتدن .. وانتتيه ابيناتنه
دورنه عن صدفه بدرب
بذن السوالف .. بالحچي ؟؟
تيهنه واتيقنه ما نتوالم اثنيناتنه
وافرض تلاگينه رغم
من شفتك اذكر عاندن
ما طولن نظراتنه
جفني لبس ثوب الخجل
جفنك رحل .. بس الحصل
يمكن تقارب بالعشگ
قلص عدد كلماتنه
گتلك اشلونك … كتلي ها ؟
ما ادري .. وآني اتأكدت
نبضك ونبضي اتغازلن
واتصاحبن دكاتنه
واستاحشت منك ﻻن
( حسيت ) اكو رزه وقفل
بيهن غفن وناتنه
