صفاء الصمت
وين تريد
خليني بطرك روحي…
مابيه اعله كدك ماي…
وﻻبيه سواجي تغير لونثن سوه جروحي…
انه ابكاع باكو كل شجرهه وزاعلاهه الطين…
ولبست من ملحهه ثياب…
بيها ابكل كتر واكف صفار الياس
يعزب للبرد لوطاح!!!
وغنه فختيه مالحك يجيب احباب…
وضحكه فاس تطلع من كلب حطاب…
احطك وين…
شايل حب وطن ومسافر ابلا حيل ﻻخر خشبه بالتابوت…
امنبوسه يجلب الدفان بشفافي…
كلبت الخدود البي…
لكيت ابحضنه بس الدود متعافي!!!
تايهه بين تاريخه والثام الناس..
ﻻسرداب يفرشله ويكله ارتاح..
وﻻنجمه التفزعله الدرب حافي…
ضايع بي مثل ماضاع…
