حسين المحمداوي
من شفت بيه الندم تبريت من عزتي
كافي اشتعل بالضوه شمعة انه عمري دمع
بالظلمة دوري نكتب ارد اكشخ بقيمتي
ما خايف من الكبر بالعكس شيبي حلو
تبين ابين الخلك اكثر بعد هيبتي
ماريد شي ينملك محتاج اثق بالهوى
كد ما اشم بالصور انطبعن بريتي
اترخص امن الندى لو ردت اشم الورد
مو مثل ذاك الغصب لمن اخذ وردتي
اتشابه ويه البشر بمصباح عيدي اختلف
اغسل وجهي بمكبرة واتريك بعبرتي
امنيتي لو ابتسم بروحي زحمة الضحك
مايطلع بلا سبب الا بإذن دمعتي
لجتافي ما صفكوا الكاروك كَالوا تعب
رغم السهر والبجي ماقيموا هزتي
ليش انطي لزمه ندم وما وخر من السهم
مادام بيه نفس خل اطي حك مهرتي
ظليت للما سمع بالريحة اعلك الحجي
حتى وي جره النفس يشتم هوى حجايتي
باجر لكلشي ثمن مو فقط من الوكت
من ياهوا جان السبب اخذ اجر دمعتي
وباجر ارد للصفر وبصفه احطن الف
حتى من اريد اتهم اخذ جزء حصتي
وارجع لاول حلم البي الجان عمري اعتقد
هستوني صاير جرح والخنجر بركبتي
وهستوني اعرف الدمع لو طاح مني العشك
معناها توني انبعت والعافني بذلتي
ميكفي اعله متني النجم لو شلته ايتم السما
ولو علـ دمع تنحسب يصير الكمر رتبتي
من حقي اذا افتخر المثلي ما ينحني
بسوك المذله جنت اتــشــيم بــهــيبــتي
