حسين ال حبتري

بطين النثايا خجل
والروح بين اثنين. ..
عاهر تحس بالندم
ووادم تصلي جذب
باكتني بسم الدين. .
ناعوري شابع شمس
ويرفسه جف الهوى
وماراضيه الجرفين…
طفله وفقيره العمر
وجارتها لبسة ذهب
شتباوع بيا عين….
اتشائم من الضحك
وبوكته اذا مايجي
ابوجه اسد بابين…
ومحتار وين انتجي
لدكو صدرهم أمس
ماادري صارو وين…
والبلبل بﻻ كلب
هم حاله حال الفلح
ويناطر على التين…
اتراب عمري الكضه
وﻻحاني ماي العصر
وصغار راس العكد
لعبتني لعبة طين….
كل هذا بس ماتبت
واتعنى كاس السهر
بلكت يزيد الصبر
كالو لصحتك زين….
باعتني ناس شكثر
ولروحهم ثوبت
ماخذته حكي شتم
من سمعت ميتين..
والحلوه من صدكت
بسالفتي وادري جذب
بس ائيست من(حمد)
ﻻسنه وﻻ سنتين….
القمصان تصغر جبر؟!!!!!
والمشكله بهل وكت
فد سهله تلكه الشمر
بس صعبه تلكه حسين…..