غانم الفياض

انتمي لكل الطيور الخالطت دمهه بدمي
انتمي لكل دمعه حلوه وضحكه حلوه ابكل شفايف آدَمي
انتمي لكًـطرة نزيف اتساوي كل لمعة شعرنه الملحمي
انتمي لميزان اهلي الماغـّرف فد يوم جـّفه المـّايله
وانتمي لكل جلمه مني وكل حرف مكتوب بيدي وكًـايله
انتمي لسوك الشيوخ البيه ثالث علم طب جان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـن مشــه ابدرب المحبــه
باع روحه ومارضــه ايبطـــل طريــجه انتمي لكلمـــن يبـــات الليـــل جايــع
مادنت نفــسه واكــل خبــــزة صديــجه
انتمي لبستــان جدي الما يحب بستـــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب كل ساع شكله
آنه حبيت العراق اوعلكًت بعيونه اهدافي ومصيري
ماتخثر دمي من طول الطريج ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجه وطــاح غيـري
من أكــل مني الحصـار ماكلـت من قوت غيري
صـــح بــعت مــره قمـــيصي
بس جنت معذور من بعت القميص حتى لا بيعـَن ضميري