ايهاب المالكي

صبرآ يا وطـن بس صبرك ليا وين .؟
كافي تگول باچـر محّد بحالـــك..
گوم انتَ اعله حيلك واذبـح الجـلاد
عشرينــك بعدهه اتحشم بفالك ..
مثل ميمون اشوفك مارضه عله الصار
أركـض وأنتــفض بـــس وينــه خيالــك
شلون الهسه ساكت وانتَ ابن شعـلان
وكــل عشرة بگبر متوسدة اطــفالك ..؟
شلـون انطاك گلّبك نبقـه مذبوحين
مضيفك سدّه كافــي وكَسر دلالك ..
صفت لاهل الكراسي وكلهه تآكل بيك
وانتَ(ايـوب )بعــدك ساكت شمالـك ..؟
ناس تبيع بيـك وناس بيك تبيـع
وجوعان الشــعب وميتمّـة عيالـك ..
اهلك بايعينك لليــصّح شـرآي
والف شراي واگــف ياكل بجالك ..
حزنانـه الشـوارع والطريق طويـل
ومتيّه وطنــه ويـــــاهو ليطلعـه …؟
خمستالاف حاكم وآنه دمي يسيـل
وبكــل بيت ميت .. كل فرع قطعـه ..
ابنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه …
بعده الوضع نفسه وباقي نفس الحال
نفسه الراح اجانـه وضربه في تسعـه …!!!