سعود الخفاجي
امي من تفرح مدينه
وامي من تحزن مدينه
امي من ترضه امان وحته من تزعل امان
امي من تضحك تشك وجه الظلام
وترسم بوجه الصبح احله ابتسامـه
امي من اطلع ترش ماي بكفاي
يعني الله اوياك وترد بسلامـه
امي اذكر مره راحت للزياره
وكفت اباب الحوائج
فرعت صارت مناره
امي؟ امي من ابعد عليهه تظل حزينه
وتصرخ بنص الكلب جيبوه اليه
وترسم بكل راس شارع ابني وينـه؟
ابني وينه
امي من تبجي الدمع يتوضه بيهه
وتسجد لشيلتهه عينـه
اووالله لوشافتني اجيت اتذب حزنهه
وتلبس العيد وتجيني مكيفه بيـه
وامي ياامي شكثر لولت عليـه
ومن اديهه شكد امس رضعت محنه جفوف اديه
امي من تكعد اكبالي والله من ترفع اديهه اغفه بحضنهه ويااديهه؟
انذب غطانه ونبرد ونتغطه بيهه
وامي ماتقبل ابوس جفوف اديهه
هيه اديهه تبوسني وتاخذني ليهه
وامي من ماشفت اديهه كلت راحت
شنهي راحت مأذنه ابيت الله طاحت
بيسر حالي يربي ماتتمي
ويدنيه بفرح لحظه ماتتمي
بحلم جني شفتهه ماتتمي
الحلم وامي الصبح ماتوسويه
