علي الشمري

جنت بالروح هسة اطّلع الروح
كرهتك كَد معزتك كَبل واكثر
خط كحلة جنت من عيني لليل
قبل لمن جنت بالراس تفتر
مبلل بالزعل متحلف انساك
دمعك عالكَلب لتضنه اثر
وفة العباس بيه ناوي اشلعك
مثل ما شلع حيدر باب خيبر
وكعت صورتك من عيني بالكاع.
شلتها ومن شلته الكلب فطر
خدرت صورتك بجفوفي فدنوب
عرفتك وية واحد جاي تسهر
وعرفتك من نمت فزيت مبيوك
لان بالصورة كلش وجهك اصفر
حيل وياي اني استعجلت بيك
اول مرة احب ولازم اعثر
حسبتك سمة متجرك غيوم
غشيم وما دريت بغمزة تنجر