آنه والد نوايب صرت .. زيناب
عليهن وارتدالي الوكت.. زيناب
يدج ابناب _ طبكة باب
ضلعي منالجرالي انعاب
يمطر ماهده النشاب
صبرت وما نطيته جواب
ايس مالمحلي امصاب
آنه امحجب اجروحي بخدر.. زينب
لأن شماتي شام اتحيط بيه
سيد زاهر الصباغ
…………………………….
الدهر عظني ولااعلم ..بكم سن
وانه الحسراتي ماتنعد.. بيك امسن
صغير وشيبت مدري.. بكم سن
بعمر عشرين شيب شعر اديه
عاصم عبد

يبج كلبي بجفا عني… شر بجاي
ضحك جنت اشتري لشفته.. شر بجاي
جرحــــي وياي كعدته… شرب جاي
ونسولف بيك وندخن سويه
صهيب الحبش
…………………………….
كبلك ما شفت واحد.. ذبحجار
يحبه وحكم بيه ظلما ..ذبحجار
علي كالتلك الوادم ..ذبحجار
وراك اوصدكت كل واشي بيه
عمار المولى
………………………….
يبس خشم الوكت ضدي.. بلا لين
بدمعي مبلل هدومي ..بلالين
بهجرك صارو بروحي ..بلالين
يأذنولك وحزني يصلي بيه
محمود العاطفي