وسام سباهي
على الوحشه اتفقنه و جان دور الليل
شاهد من كلتلي بكلبي خليتك
جنت كبلك مسيه و طبك من عاشور
و اذكر عيدت من كتلي حبيتك
اجيت و راودتني بصبح شايل خوف
و غروبك تنكر من تلكيتك
تمنيت بخيالي بشكل ثاني الكاه
بس بهذا شكلك ما تمنيتك
قريت الفاتحه من انذبح حلمي وياك
و ابجي اعله الدروب البيهه ماشيتك
لكيتك مكبره و دافن اسرارك بيك
و الموته العشك تطرب توابيتك
ترد لاول درب و البس الثام الليل
و اكشف ذيب طبعك مو حسن نيتك
براءة طفل وجهك ملت التمثيل
شكت ثوبهه و كشفت شخصيتك
و امام الوفه بكلبك طلع مو معصوم
و اتحب الذنب و العصمه ناسيتك
لذلك من صحت ما بيك صوت حسين
و بكلبك يزيد ولاغي شرعيتك
