عامر العيثاوي
عرفوك رايح رغم ما ضحكتي طولت
وﻻبس بوجهي شباط
وعرفو ضحكتي جذب
من يمهم تقربت
واشتمو الشعواط
وشكد فرق من فتت
ومصدك بفرحتي
وبروحي دنيا زماط
ومابين لمن درو
والتف علية الخجل
لفة طفل بكماط
يل خيطتلي الجرح
لتزامط بموقفك
تبقة بذنوبك غاط
مالك علية فضل
لوما طعن خنجرك
جا مااحتاج اخياط
وياك انة شقصرت
خليك من غربتي
ودمعتي وشيبي الخاط
طير آنة عندي جنح
عرضو علية السمة
وباقي اعلى مودك حاط
جنت اجي وكلي أمل
وبس اوصلك ينتهي
وارجع وكلي احباط
هادئ عشت موطبع
بس جنت اكاسر ﻻن
اسمع بروحي عياط
لهنا وكافي انتهت
لو غلطة امسحهه الك
ياما مسحت اغلاط
بس شوطة تاخذ عمر
والكلب بعده طفل
وهواي يمك شاط
