احمد عميدي
الأعمى من يحلم .. ضوة
واليغرگ يتمتم هوى
والموت والغربة سوة
ريحة نعش ..
والرية گطعان النفس بي تفترش .
وتغص عطش
خنگة ارتوة
والروح تتكافز نفس ..
يشيل ايدة يمهم أي دوة
يلبس صبح اليريد يكتبلة حلم ما ينلزم ناگع حسد
هذا وغلات عيونك اني بلا بلد عندك علم ؟
والشبابيج اطرتني
صورة عالوحشة انهزم
صورة عالدمعة انرسم
راد شوفي يضوك جيتك
بذّر عيون ودلال
والتجاعيد اشتهتني
شهوة معيدي لحلال
گام يتخردل شمع صوت الرسايل
عود عن لا افتهم
واذن شوگي بهوسة وتفرزن حكم هجرك الجرها وطمع بيها الحمار
شگد ثگيلة
خطوة البلل اجعوبة
بماي والسجة رمل
شگد طويلة
الخيـّــط شفافة رغم
هوسة عگل
واني ذاك الگام ما يلجح نهارة
المايطفي النيل نارة
واليطرز عيني جم لمعة ونجم
اشتم فجر
الگام ما يلجح نهارة
الليل ماخذني غفل
بيك ما بيك اعتگ
البردي شحلاه
لا ولا جن الجدم بيدك تديرة
واضحك ولم ريف روحي
تومي الك
هور وحصيرة
وهيَ حيرة ..
من يمد شراعة شوگي
ويحلم بجيتك جزيرة
لحد ما توشل الفحطة من الدمع ويغرز الصوت الشحيح بمستحاي
وانطفي واعرگ شمع
والله حيرة ,,
ساعة التغبش جفوفي . تغورب جفوفك گصيرة
جنة موعد شوگنة شفايف سراب ..
يفرفح ويلمع عذاب
گذلة ما تصلح ضفيرة,
كلشي سوي الا وجهك ..
من اگبعلك لهفتي .. لا تديرة الليل من يكشخ گمر
الغيم من يعرگ مطر
والصوت يمشي بلا أثر
دلالي مستبرد عشگ
غطي سهر
