احمد الذهبي
انه الماموت لاترميني بسهام
وعليك شما رميت ترد الارماح
اصيرنلك مصد كلما تهب ريح
واسد باب التجيب الريح وارتاح
انا ابلا جتف شايل حمل الجبال
وانت بلا حمل جتفك هوه وطاح
سيفك خاف نحري اتعنه للسيف
وصار اول نحر للسيف ذباح !!
اذا طولك نهر ما ينحسب طول
عاش العمر نايم كلشي ما لاح
واذا طبعك سهم واتصيد الطيور
عله صيد السهم علمت الجناح
دمع حزنك قفل ينرسم عالباب
وانا ادموعي اعله باب الفرج مفتاح
كلامك ينزرع ويخضر سموم
وانه ازرع كلمتي اتذبلي فلاح
