ايما صباح
خريف إلشوگ دگ إبّاب گلبي أجراس
بعدنـي بلونـي بس بهتت بعيني إلناس
ذمّـو غصـن شوگــي ومدحـو إلحطـاب
ومشامر حچيهم فاس
هيــچ الملگــه مــا ينــراد
خاطر تجفي يبن الناس؟
يبـن النـاس دبّرني بده
يصوفر بخدي الياس
إلجـرف لـو مـات
يحيـه إبروجـه مـن ينبـاس
وأنشــد دربــي يا دربي
إليتيم إبديرة إمعرسين
هم عندك أمل تنداس؟
حملت الدنيا مدري إشلون
كل ساع إبعزيز أنجاس
شايـب ونّـي وانـا إبنيّـة إلعشريـن
زهگت إمناوش إلعَبرات
أريد أنطش هلاهل بذن إلمعرسين
يشتلـــة مـــاي أحصــدك ويـــن؟
تطوف إبسچة إلعاگولّ شموازيـك
وانـه بستـان متلگيـك
يمن لو بإلنِفس تنسام چا بعزاز
ريتي أشريك
أريد أتدثر بصوتك كتلني
إم سامـر إلوهـواس
وأحـوك إسوالفـك چرچـف
وأمــــوت إنعــــاس
بيني وبين نجم إجفاك
وحشه وسالفة حرّاس .
