سعد الربيعي
على الساتر انزرعو علم وعيون
واحنه بجالهم نمنه وغفينه
دفع دم (الحشد) صدر الرصاصات
وبجيوب الخجل ضمينه ادينه
اقــصى احلامهم راية وتوابيت
وویزفونهم اهل الـمــــدينه
شباب وماجزو عمـر العصافير
رثينه وشيّب الصوت بحچینه
(ابن الملحة) عفية الملّح الگــاع
وفرات ودجلة معكود بجبینه
نگلّب بالصور بس خانه الشـــوف
غبار المعركة اتراكم علينه
بدلة خاكي لبسو لو مغــــاوير
مانعرف !! عرفنه المـــعنى وينه
منميّز وجههم من التراب
ضحـكوا بالـصور واحنه البچینه!؟
