علي حسن علوان

روحو گلوله لگاها امرايته
و لگه البير ألبي يضم احچايته ،،
الغيمه تفحط من نسولف عالشمال
المو عزيز ابساع تمشي اجنازته ،،
ألخله عمري اتراب ، لايحچيلي ماي
ألماله موعد عينه تكره ساعته ،،
آنا ابن آدم واحبن ذنب ابوي
و هسه اريدن حصتّي ابتفاحته ،،
روحو گلوله النفس طاب اعله عيب
الگاع تثلمها المساحي وساكته ،،
هوّ من يحله العلم شياله زين
الليل مايحسب النجمه الباهته ،،
جرحي جرحي ولحد إيدليني بيه
البدوي غرگان و يشم اولايته ،،
مالي وگفه وياه گلوله اعله بير
يوسف الـ هل يوم خضره اطلابته ،،
روحو گلوله السهم حيله ابگفاه
لايشوف اگليبي ماخذ راحته ،،
بيه لعتابه 12 فرشة شليل
ولو گاع و ماتكفي اسوايته ،،
الغيم من يحله المطر يطي سمار
و اليلاگي الريح ثگله ابرايته ،،
خل يدنگ لو وصل للشجره ذيچ
الذكره توجع و الـ عليهه اكتابته ،،
روحو گلوله الگلب خاطر عروس
ينكسر و الزفه چلمه و فايته ،،
آنا لو بيدي نسيت اويه النسوه
الشته اتضل سولته ابمشراگته ،،
نهر جوّه الگاع ويجدي الزراگ
او لاسمه التشبهني تكسر عازته ،،
هاي تاليته و دوّه الريه الدخان
ألچذب اعيونه اشتفيده امرايته ،،