محمد الصالحي
الفقير شكد مؤدب
جنه أمي
وين ماتتعب يخظرلها رصيف
جاع مره. وصله يوم…وما أخذ غيبة رغيف.. الفقير الماد ايده شكد كريم
عكس نواب التجاوز
راد صوتي
وكتله حاظر
كله ماريدك يتيم
الفقير العنده جيب
بعين دولتنه الكريمه
يعتبر شايل سلاح
ولئن سمعو بلورد مال اليتامه
طلع كرسي
وما طلع ورد الصباح
ياعراق الفقره ملت
ضاج من عدهة الفقر
ياعراق شكم عراق نباك
منك بلضهر
انت مو كتلي انا شاعر
كاتب الاهلي قصيده
كاتب امي بلايه شيب
كاتب حتاجيت ابوي
انطاك بيته
وانت داينته جريده
