مهند قاسم الفنداوي
لو ردت أرسم طبيعة
جا رسمتج ..
وجا نثرت بكل كتر باللوحة وردة ..
وجا رسمت الطول نخلة ..
وارسم الكذلة سعف ..
وبيدي البسلج تراجي ..
عثوك مليانه رطب ..
انت مو بس نخلة ..
انت انت سباحة عنب ..
لفلفت حيطان روحي وسكرتني ..
انت مدري اشلون صرتي ..
لمعة بعيوني وفرح ..
ودنيا مليانة خضار ..
وضحكة ترفة ويه الصبح ..
طفل كلبي وذبته الدنيا اعلى بابج ..
لا تعوفينه اعلى بختج ..
وهم بعدني ما رسمتج ..
وهم بعدهي الحيرة بيه ..
اشلون ارسملج عيون ..
واشلون ارسملج زلف ..
خاف اوهدن روحي بيج ..
وتصرخ الوادم : كفر ..
وخاف اعوفن ملتي ..
واترس الدنيا صور ..
وتنفضح رعشات روحي ..
وينكشف وجهج عليهم ..
وأنتي حبج نابت بكلبي قضية ..
وعليه راح اظمج فرحة بعيوني واغمض
وراح ابطل من كرتي وما ارسمج ..
