محمد جاسم
هواي وجوه ذلت بيج ياعين
وعله النظرات غيض كلوبنه تشيل
شفت ناس الاحبهم رادو فراك
وبحيل المناجل كادو الحيل
مشو بس ياضحكتي نكلبت اصياح
وين ليامكان الغربه ياريل
عافوني حلم بعيون جناز
بعيون اليموت يخضر الليل
جا عشرتنه وين وذيج الايام
دفنتوهه بعتب يم المراسيل
وخفت بس ﻻ نسوني ونكرو الطيب
حنين وشيبت راسي التواسيل
اريد ابجي اعله ناسي الماينشدون
وابشرهم بكلبي العاشك الويل
انه بروحي كصب منه نولد ناي
اذا رايد اون تبجي المواويل
سهر فارس احلامي وشل العين
وبعدكم صار قاسي وياي وكحيل
وصرت كحله وضعت برموش الايام
وصفو دمعة شماته وكامت تسيل
