مصطفى محمد

حيل الناس ماتعذر… تطلع روحي اذا مريت ويصيحولي متغير
والمايدري شيقنعه ..شمدري فاكد انه عزاز
واسولفله ويكلي شبيك هوة الراح شيرجعه
ويكلولي لا تبجي ..مايدرون؟
مرات الدموع تهودر اللجمه
اهو المخنوك مايرتاح اله اتسولف بنسمه
والغركان اذا انت تريده يموت هم سولفله عالنسمه
جبت الدنيه ليل بليل
جن ماصاحبت خلان جني مصاحب النجمه
اريدن بشر كون افعاله مثل اسمه
بعدني بأول انفاسي ..يعني من العمر شمه
ويكلولي وصيتك وين ..بعدلك بل العمر شمه
عشت كابوس مو دنيه
بس موادع ومأسات ..غير الله يرحمه ومات
ماسامع ولاكلمه
(وعمري بكد ضحك الايتام من اسولف عالقهر زحمه)
فوك القهر فوك الضيم احبك وانت ماتدري
اطب شلون بالموضوع واقلع خيبر بصدري
بس شلون ماتدري؟
غير العشك هوة شعنده لبعمري
بس من هسه اكلك انه احبك موت
وبهل الدنيه كون انعيش وحدنه
كل جكليت من ينطش اكولن هذا كون النه
واحذرك من تشوف انسان ..لسولفله عن حبنه
وكحه عيون بعض الناس وخاف تروح تحسدنه
وتره مشتاقلك مرلي
يل يومين اضل فرحان اذا بالطيف توصلي
ساعه المرض ساعه انت
علي تتحججون هواي
وخطيه البيه متورطين بس اهلي
بادر بالشعور وياي
انه بكل شبر همه
الوفي ومجروح اذا اذاك اعذره بساع
لئن بليل تفتهمه
واليترك الي يحبه ..ويروح لشخص ميحبه
هذا اليرفس النعمه
خلي ابالك حجايه ..اليحب مرتين مو زلمه
اليدورلك انت الخير لدور عليه لزمه
تره اليندل ضحكتك وين هم يندل دمعتك وين بس بالك!!
مو كل اليحب مرات يتنازل
النده من يوكع اعلة شفايف الوردات
لاتعتبره نازل راسه لو مذلول
لا بل العكس يتغازل